Bankar!!!

Úff, maður er nú alveg að gefast upp á bankanum hérna úti. Fórum áðan og borguðum skólagjöldin í bankanum. Eftir veru Hlöðutúnsgengis var ansi mikið af klinki eftir (sko, þau kunnu ekkert á þetta klink). Við settum því klinkið í zip lock poka og ætluðum að láta telja það í bankanum. Ég skellti því pokanum á borðið og við báðum um að láta telja þetta og leggja inn á debetkortið. Stelpan sem afgreiddi okkur sturtaði úr öllu klinkinu á borðið og gerði sig líklega til að telja sjálf...með höndum og heila. Ég sagði nú við Hjalta að ef hún teldi þetta sjálf og notaði ekki vél þá skyldi ég sko hundur heita!!! Viti menn, eins og bankakerfið er nú apalegt hérna, þá er ekki til vél í bankanum sem telur klink....þannig að aumingja gjaldkerarnir hljóta að sitja sveittir við klinktalningu alla daga. Okkar stelpa neitaði síðan að telja þetta því það var svo mikil röð.....okkur voru því réttar einhverjar rúllur sem við áttum að telja sjálf í!!! Uss, nenntum því sko ekki. Klinkið er því enn í zip lock pokanum....spurning um að kaupa bland í poka hehe.
Og by the way, ég heiti hundur!!!!!!!
Kv.SRS