Páskafjör og próflestur

Páskahátíðin yfirstaðin með tilheyrandi áti og letilífi :) Við höfðum það ansi gott um páskana, danska svínið og litlu páskaeggin frá mömmu runnu ljúflega niður. Á páskadag fórum við í mat til Guðrúnar og Njarðar og borðuðum kanadískan kalkún, hittum mömmu hennar og bróður og kitluðum Dagmar :)
Nú er Hjalti á fullu í próflestri, próf þann 24. apríl. Á meðan bíð ég spennt eftir heimferðinni...aðeins 11 dagar í Montréal. Þá verður nú nóg um að vera en ég hlakka ekkert smá til að heyra flugfreyjuna í Icelandair vélinni segja "velkomin heim" eftir lendingu í KEF :)
Annars get ég nú eytt tíma mínum í að skipuleggja kúrsinn minn sem ég tek með mér heim, lesa sér til, undirbúa sig og svona. Fæ það skemmtilega hlutverk að grufla í íslenskt skólakerfi og skrifa um vandamál sem finnast í skólakerfinu! Já veit ekki alveg hvað þetta mun fela í sér en ég hitti supervisorinn minn á morgun og við ákveðum í sameiningu hvað ég tek mér fyrir hendur.
Kv. SRS