Sturtuleysi

Já eins og nafn þessarar færslu gefur til kynna þá erum við sturtulaus!!! Þegar við fluttum inn fyrir ári voru svona smá rakaskemmdir í veggnum á baðkars-sturtunni okkar. Þessar skemmdir hafa síðan magnast í þó nokkurn tíma og veggurinn bólgnað lítillega dag hvern. En síðan kom auðvitað að því að skemmdirnar urðu til þess að eitthvað lekur niður í íbúðina fyrir neðan okkur og voila.....þá birtist loks viðgerðamaður til að gera við þetta. Sem sagt reif hann í dag burt plastþil sem er yfir flísunum og timburveggurinn undir flísunum var ansi fúinn og óskemmtilegur!!! Nú er búið að sparsla í götin og á morgun kemur kallinn og setur upp plastvegginn aftur......en við megum ekki nota sturtuna í 3 daga. Baðkarið má nota en ekki sturtuna. Spurning um að fara bara að gera sér ferðir í sundlaugina góðu ;)

Myndirnar sýna hvernig sturtan okkar lítur út núna. Fallegu appelsínugulu flísarnar fá bara ekkert að njóta sín lengur hehe. Hafa eflaust þótt rosalega flottar á sínum tíma.....eeeen eins og sést á ástandi sturtunnar þá er sá tími löngu liðinn!!!!!