Jólaflugið bókað :)

Já þá er flugið heim komið á hreint. Held að maður búi frekar langt í burtu þegar maður leggur af stað þann 14. des og lendir á Íslandi þann 16.des!!!!
Hjalti er í síðasta prófinu 14. des. Þá um kvöldið leggjum við í langferð til Íslands. Fljúgum frá Vancouver að kvöldi 14. des og lendum í Toronto að morgni hins 15. des. Þaðan fljúgum við svo til Boston, lendum um hádegi og fljúgum svo frá Boston til Íslands um kvöldmatarleytið. Lending á Íslandi að morgni hins 16.des. Já langleið er þetta víst og ekki græðir maður á tímamismun hehe ;)
Ákváðum að taka frekar næturflugið til Toronto og svo áfram til Boston. Annars hefðum við bara haft tvo tíma til að koma okkur í flugið til Íslands og við einfaldlega treystum ekki Air Canada til að skila okkur til Boston á réttum tíma! Höfum nefnilega lent í seinkunum hjá þeim félögum á ferðum okkar hingað til. Yfirleitt ekki í löngu flugunum eins og til Toronto, en oft er seinkun í stuttu flugunum á milli Boston og Toronto eða Montréal og New York. Yrði nú frekar slæmt að missa af fluginu sínu til Íslands......þannig að allur er varinn góður :) Ættum að geta lent í þó nokkrum seinkunum en samt sem áður náð hinu langþráða flugi heim :)
Kv.SRS

Held að í framtíðinni muni okkur þykja þriggja tíma flug til Evrópu þvílíkur lúxus!!!