Winter Wonderland

Já það má með sanni segja að við búum í Vetrar undraríki þessa dagana. Það er búið að snjóa og snjóa síðan á laugardag og m.a.s. var sagt í fréttunum í gær að þetta væri met í snjókomu! Já, hér eru ekki einungis sett met í rigningum heldur líka snjókomu! Það er því ábyggilega meiri snjór en á Íslandi núna hehe ;) Kuldaboli er líka á sveimi -7 til -11 stiga frost og með vindkælingu er þetta eins og -19 gráður úff úff. Það er sem sagt hálka líka svo nú er bara að rifja upp hina gömlu góðu íslensku hálkugöngu!
Annars fylgdi þessum snjó ekki eintóm gleði. Rafmagnið fór af síðastliðna nótt og við vorum rafmagnslaus til klukkan 16 í gær. Íbúðin dimm og ísköld. UBC var lokað og ekki margir voru á ferli. Aumingja trén þola ekki svona mikinn snjó og greinarnar brotnuðu og rifu með sér rafmagnslínur. UBC campus var þó ekki eini staðurinn þar sem rafmagnið fór af. North og West Vancouver eru held ég enn rafmagnslaus og einhverjir misstu rafmagn í Surrey.
En svo skemmtilega vildi til að vatnsbanninu var aflétt í gærkvöldi. Nú megum við sem sagt drekka vatnið án þess að sjóða það. Var orðið frekar mikið ástand í gær þegar ekkert rafmagn var til staðar til þess að sjóða vatnið....fjúff eins gott að þetta rafmagnsleysi varði ekki lengi.

Snjórinn er samt fallegur, þetta er sannarlega Winter Wonderland....held að við munum halda snjónum í nokkra daga í viðbót....kuldi framundan.