Gæludýrin

Jahááá....svona fór um sjóferð þá! Meirhlutinn bara sprunginn!!!

En yfir í annað! Ég hef undanfarna daga verið með tvö stór gæludýr á heimilinu. Þau krefjast mikils af manni, bæði líkamlega og andlega, auk þess að taka sérlega mikið pláss í stofunni! Gæludýrin bera nafnið Olli og Emma og hafa þau reitt mig til reiði síðustu daga sem og aukið á hamingju heimilismanna! Þessi gæludýr eru græn og hvít að lit og ná mér upp að nafla!

Hér má sjá mynd af gæludýrum Frú Sigríðar!

Eins og sjá má eru þetta skilaverkefnin mín í skólanum. Það var haldið svona conference síðasta daginn í tveimur kúrsum sem ég er í. Að vísu féll annar kúrsinn niður vegna rafmagnsleysis, þannig að Olli kallinn (til vinstri á myndinni) gat ekki fengið að hitta hina vini sína og sat því fastur heima hjá mér. Tekin var mynd af Olla mínum og hún send til kennarans. Emma kellingin fékk hinsvegar að sýna sig í gær á "mikilli" mini ráðstefnu um bráðger börn. Féll hún svakalega vel í kramið hjá samnemendum mínum, kennaranum og öðrum gestum sem sóttu mini ráðstefnuna okkar. Þar á meðal var formaður félags bráðgera barna í BC!
Ég er sem sagt næstum því búin. Fór í síðasta kennslutímann minn í gær (með Emmu auðvitað). Á síðan eftir að skila inn einni ritgerð, sem mun fjalla um hvernig skólinn getur komið til móts við börn af erlendum uppruna. Hjalti er í prófi þessa stundina og svo byrjar meiri prófatörn hjá honum í næstu viku.
Olli og Emma munu því sjá mér fyrir félagsskap í ritgerðaskrifum.
Kv. SRS

P.S. Svona fyrir áhugasama....Olli minn fjallar um Olweusar verkefnið gegn einelti og rannsóknir sem sýna fram á að það virkar og hvað þetta prógram felur í sér. Emma mín fjallar hinsvegar um ítalska kennsluaðferð Reggio Emilia og hvernig hún getur haft áhrif á menntun ungra, bráðgera barna.