Haustþvættingur

Ehemmmmm....ekki lengur sumar og sól, heldur meira svona haust, rok og rigning!!!!

Langt síðan ég bloggaði síðast enda mun ég nú líklega loka þessu bloggi...enda enginn tími í slíkt hjá annasamri kennslukonu :)
Er sem sagt farin að kenna niðri við strönd. Kenni þar 19 frábærum 1.bekkingum og sinni svo sérkennslu. Mjög gaman auðvitað en maður hefur auðvitað nóg að gera. Keyri nú tvisvar í viku til Reykjavíkur þar sem ég er að læra táknmál. Ákvað að skella mér loksins á táknmálsnámskeið, eitthvað sem mig hefur langað til lengi, en í bekknum mínum er einmitt heyrnarskertur nemandi sem talar svolítið táknmál svo það var auðvitað upplagt að skella sér á námskeið. Nú kenni ég sem sagt með röddinni, andlitinu og höndunum...alltaf á fleygiferð hehe :)
En þetta námskeið er frábært. Mér finnst þetta alveg æðislegt. Maður má ekki nota röddina í tímum og það er heyrnarlaus kennari. Frú Sigríður þegir því í þrjá tíma á viku...hmmmm ekki eitthvað sem gerist oft hahahahaha ;) Þetta er bara eins og að læra nýtt tungumál, mjög spennandi.

Svo er ég komin á nýjan og glæsilegan bíl. Þurfti nú bíl til að geta brunað í vinnuna. Fékk þessa líka fínu skoda octaviu, eldrauða með númerinu SR 853....þið vitið Sigga Rós sko ;) Gripurinn hefur fengið nafnið Gíslína í höfuðið á fyrrum eigenda sínum sem ég er viss um að er mikil hefðarfrú ;)

Annars er nú lítið títt.....við bíðum eftir húskostinum sem fer nú bráðum að rísa :)
Fáum okkur reglulega göngutúr í Berghólana :)

Kv. SRS