Brandari dagsins!

Má til með að setja hér inn brandara úr Jórubókinni minni góðu sem pabbi gaf mér um jólin, Jóra er sem sagt dagbók Kvenfélags Selfoss! Þar sem ég er einstaklega léleg í að muna brandara og gleymi iðulega aðalatriðunum í brandaranum þá er alveg tilvalið fyrir gúbbífiska eins og mig að fá svona góðar dagbækur að gjöf og geta sagt brandara fram og aftur! En þessi fannst mér ansi góður ;) Eðal Kvenfélags-brandari :)

Læknisheimsókn

,,Kona kom með kornabarn til læknis í skoðun. Hann er svolítið of léttur, sagði læknirinn, er hann á pela eða brjósti? Brjósti, sagði konan. Láttu mig sjá brjóstin, sagði læknirinn. Hún fór úr að ofan og hann strauk og hnoðaði brjóstin á henni góða stund, og sagði svo: Það er engin mjólk í brjóstunum á þér.

Ég veit, sagði konan, ég er amma hans en ég er fegin að ég skyldi koma."

(Jóra, Dagbókin mín, 15. útg. 2007)